📱

Vörurnar okkar

Í dag rekum við tvær vörur, Tímatal og Noona. En þó nöfnin séu ekki þau sömu eru vörurnar tvær hliðar á sama peningnum. Án Tímatals væri Noona ekki til, og að sama skapi er Noona stærsta ástæðan fyrir velgengni Tímatals.

Tilgangur þeirra beggja er að hjálpa fólki að hjálpa fólki.

Tímatal

Tímatal uppfyllir tilgang sinn með því að hjálpa einstaklingum og fyrirtækjum sem taka við tímabókunum að fjarlægja hindranir sem koma í veg fyrir að þau geti sinnt starfi sínu af fullri athygli.

Kjarni Tímatals er CRM kerfi (Customer Relationship Management) og dagatal. Í Tímatali geyma hárgreiðslustofur, sálfræðingar, kírópraktorar, snyrtistofur, verkstæði, og fleiri tegundir af fyrirætkjum allar tímabókanir sínar ásamt upplýsingum um viðskiptavini.

Ástæður þess að viðskiptavinir okkar nota Tímatal eru margvíslegar, en helsta hlutverk Tímatals hjá flestum er að:

Fækka skrópum

Tímatal fækkar skrópum með því að senda áminningar til viðskiptavina fyrir tíma. Það er gert með email'um, sms'um og tilkynningum í gegnum Noona áður en tíminn á sér stað.

Bæta þjónustustig

Í Tímatal geta þjónustuaðilar fundið upplýsingar um hvaða þjónustu viðskiptavinur fékk seinast, hjá hverjum og hvað hann keypti. Allt eru þetta upplýsingar sem þjónustuveitendur nýta sér til að veita betri þjónustu.

Minnka tímaeyðslu

Með Noona þarf ekki lengur að svara símanum. Með Tímatal þarf ekki lengur að senda áminningarnar handvirkt. Með einum smelli er hægt að láta viðskiptavini sína vita ef tíminn sem þau áttu bókaðan fellur niður vegna veikinda.

Fjölga bókunum

Tæplega 50.000 Íslendingar nota Noona til að bóka sér tíma. Að vera sýnileg á Noona bætir því einum kanal í viðbót fyrir notendur Tímatals til að næla sér í nýja viðskiptavini.

Staðreyndir

300+ fyrirtæki greiða fyrir Tímatal

1.200+ starfsmenn nota Tímatal daglega

100.000+ tímar bókaðir á hverjum mánuði

Noona

Noona er sú hlið peningsins sem snýr að viðskiptavinum fyrirtækjanna sem nota Tímatal.

Noona er app og vefur þar sem einstaklingar geta bókað sér tíma hjá tæplega 300 fyrirtækjum um allt land, hvar og hvenær sem er. Ásamt því geta þau líka afbókað og fært tíma sem þau eiga bókaða hjá fyrirtækjum sem nota Tímatal.

Þegar einstaklingur bókar sér tíma á Noona fer tíminn beint inn í Tímatal fyrirtækja. Það er einungis vegna þess að Tímatal veit hvenær þjónustuveitandinn er bókaður og hvenær ekki sem Noona getur boðið upp á þá þjónustu sem það gerir.

Staðreyndir

50.000+ notendur

30.000+ tímar bókaðir á hverjum mánuði

Innviðir þjónustmarkaðarins

Saman tengja Tímatal og Noona þúsundir manna við hundruði fyrirtækja. Saman mynda kerfin innviði þjónustumarkaðarins og sjá þau til þess að allt renni þar smurt fyrir sig.

Við eigum langt í land með að gera markaðinn eins skilvirkan og hann getur orðið, en við erum þó langt komin. Áður en kerfin hösluðu sér völl þurfti að hringja til að bóka tíma, og þjónustuaðili þurfti að skilja viðskiptavininn eftir í stólnum til að svara símanum og taka við bókuninni. Það sama átti við ef einstaklingar ætluðu sér að afbóka eða færa tíma. Þjónustuveitendur þurftu að senda sjálfir sms til að minna á tíma, og ef þeir gleymdu bókinni sinni uppi á stofu vissu þeir ekki hvenær þeir áttu að mæta í vinnuna daginn eftir.

Það er enn margt sem við getum gert til að hjálpa fólki að hjálpa fólki, bæði meira og betur. Ef þú vilt vita meira um hvernig við ætlum að gera það getur þú skoðað